Pirritx, Porrotx eta Marimotots pailazoek merezitako omenaldi eta jai erraldoia jasoko dute BECen maiatzaren 3an 17:00etan, Nik ere maite zaitut lemarekin. Geratzen diren sarrerak salgai daude oraindik, baina Aiaraldea Komunikabideak pistako bi sarrera bikoitz zozkatuko ditu maiatzaren 2an.
Jaian 200 sortzailek jarriko dute alea eta euskal kulturaren izen oso ospetsuak egongo dira oholtzan: Itziar Ituño, Miren Amuriza, Eñaut Elorrieta, Uxue Alberdi, Maialen Lujanbio, Go!azen, Xabi Solano... Eta Gazatik ere ekarpena egongo da, Sol Band taldea etorriko baita (gogoratu beharra dago pailazoek herri palestinarrarekiko hainbat elkartasun keinu izan dituztela).
Eskualdeko ordezkariak ez dira faltako. Izan ere Agurtzane Intxaurraga izango da zuzendaria eta Yogurinha Borova ere agertuko da.
Milaka lagun batuko ditu ospakizunak eta horien artean egon nahi duenak, aukera dauka zozketan parte hartzeko izena emanda hemen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
