Hogei egun falta dira Euskaraldia hasi dadin, eta aurkeztu egin dute dagoeneko Aiaraldeko hamaikakoa. Eskualdeko hamaika pertsona bildu dituzte, herri eta profil ezberdinetakoak, Euskaraldian eragile aktibo izan daitezen.
Honako hauek osatzen dute hamaikakoa:
- Izazkun Gaztelu: Futbolaria ohia, Orozko
- Garazi Abrisketa: Irakaslea eta musikaria, Zollo
- Itxaso Retes: Arakaldo
- Txani Rodriguez: Idazlea, Laudio
- Naiara Otaola: Okondo
- Nel Santacruz: Urduña
- Maiteder Intxaurraga: Orozko
- Hector Borge: Hockey jokalaria, Aiara
- Irene Vadillo: Artziniega
- Nacari Rivaldes: Amurrio
- Yogurina Borova: Drag eta musikaria, Laudio
Eskualdeko eguna, Urduñan
Horrez gain, Euskaraldiak Aiaraldean hartuko duen formaren inguruko xehetasun gehiago ere zabaldu dituzte antolatzaileek. Herri bakoitzak bere agitarau propioa izango du hizkuntza ohiturak aldatzeko ariketa kolektiboak iraun bitartean, baina guztiek egingo dute bat maiatzaren 18an Urduñan, bertan egingo baita Eskualdeko Eguna, goizetik arratsaldera luzatuko den egitarauarekin:
11:00-14:00 / 17:00-20:00 // Museoan bisitak euskaraz eta ate irekiak
10:00 // Orientazio proba, Foru plazatik abiatuta
13:00 // Trapu Zaharrak antzezlana
14:00 // Ekitaldi nagusia, Foru plazan
Koreografia dantza orokorra
Ahobizi eta Belarriprest panpinak
15:00 // Bertso bazkaria
17:00 // Bingoz bingo! (Yogurinha Borova eta Aurori Badiola)
18:30 // Burbuilak taldea
Izena emateko aukera, zabalik
Euskaraldian izena emateko aukera dago dagoeneko. Horretarako, hainbat herritan jarriko dituzte postuak datozen egunetan. Dena den, Internet bidez ere egin daiteke, hemen.