Bengoa aita-semeek eta John Garciak hiru domina ekarri dituzte Espainiako K-1 eta Muay Thai Txapelketatik

Aitor Aspuru Saez 2025eko ekainaren 10a
Deskargatu Info Ahotsak :

Chock Dee klubeko kideak Ibai Ruiz entrenatzailearekin. / C. D.

Chock Dee klubeko kideek podiuma zapaldu zuten larunbatean eta Amurrioko taldekide gehiagok ere parte hartu zuten lehian.

Chock Dee kluba oso pozik dago Espainiako K-1 eta Muay Thai Txapelketetan izandako emaitzekin. Izan ere, sei kirolarik parte hartu dute lehiaketetan eta hiruk lortu dute lehenengo hiruren artean egotea.

Bitxiena bada horietako bi aita-semeak direla. Izan ere, Jorge Bengoak 75 kilo azpiko kategorian parte hartu du eta bere semeak, Enai Bengoak, 25 kilo azpikoan. Biek eskuratu dute brontzezko domina K-1 kirolean. Jorgeren kasuan, ez da lehenengo aldia txapelketa horretan parte hartzen duela eta iazko emaitzak hobetu ditu.

Horrez gain, John Garcia txapeldunordea izan zen Muay Thai diziplinan, 55 kilo azpiko kategorian.

Horrez gain, Chock Deeko hiru borrokalari gehiago igo ziren ringera: David Zubiaur, Alain Vicario eta Erik Vicario. Final laurdenetan kanporatu zituzten.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide