85.000 euro bideratu ditu Aldundiak Laudioko Etxebarri baserria eta Okondo eta Lexartzuko ermitetan esku-hartzeak egiteko

Aitor Aspuru Saez 2025eko ekainaren 10a
Deskargatu Info Ahotsak :

Etxebarri baserria, artxibo irudi batean. / Aiaraldea.eus

Laudioko Etxebarria baserrian, Okondoko San Prudentzio baselizan eta  Lexartzuko Done Erroman ermitan izango dira lanak.

Arabako Foru Gobernuko Kontseiluak gaur jakinarazi du 400.000 euro bideratuko dituela lurralde historikoaren eta Trebiñuko eraikinetan, ermitetan eta elementu txikietan esku-hartzeak sustatzeko. 

Diru kopuru horren zati bat Aiaraldean inbertituko du, hiru lan diruz lagunduko baititu.

Alde batetik, 60.000 euroko ekarpena egingo du Laudioko Etxebarri baserriaren fatxada sendotzeko. Iaz ere dirulaguntza jaso zuen eraikinak, margoak zaharberritzeko.

Bestetik, Okondoko San Prudentzio ermitaren atzealdeko eta eskuinaldeko fatxadak zaharberritzeko 10.042,81 euro baliatzea aurreikusi du erakundeak.

Azkenik, Lexartzuko Done Erroman ermitako teilaberritze lanak egingo dituzte eta horretarako 15.963,52 euro bideratuko ditu Aldundiak. 

Kultura

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide