Urriaren 19an egun osoko musikaterapia jarduera egingo dute Jentilbaratze kooperatibak duen baserrian. Antolatzaileek azaldu dutenez, helburua ez da izango musika jotzen ikastea (edo ez soilik), baizik eta elkarrekin eguna igarotzea eta gozatzea ikastaroarekin zein partekatuko duten bazkariarekin.
Musidiver programak eskainiko du musikoterapia saioa egun osoz. 11:00etan hasiko da eguna ongi etorri gosariarekin eta 11:30ean ekingo diote tailerrari. 13:00etan bazkalduko dute eta 15:00etan koreografia tailerraren ordua helduko da. Azkenik, 16:30ean bukaera emanaldia egingo dute.
20 euro ordaindu beharko du parte hartzaile bakoitzak eta 20 lagunek, gutxienez, eman beharko dute izena bideragarri izateko. Inskripzioak egiteko epea irailaren 30ean amaituko da. 630 641 568 telefono zenbakira deitu beharra dago izena emateko.
Inklusioa ardatz
Musikoterapia saioaren helburua ez horrenbeste izango trebakuntza, baizik eta giro inklusiboa sortzea, gozamena sustatzeko. Izan ere, antolatzaileek aldarrikatzen dute musikak estresa murrizten duela eta onuragarria dela autoestimurako.