Arabako Foru Aldundiak bere gain hartuko du Ferosca I zentral eolikoaren Plan Berezia, Laudioko eta Aiarako udalek ezezkoa eman ostean

Aitor Aspuru Saez 2025eko irailaren 10a
Deskargatu Info Ahotsak :

Ferosca I proiektuaren mapa.

Laudioko eta Aiarako udalek berretsi dute Ferosca I zentral eolikoa ez dela bateragarria tokiko erakundeen hirigintza planteamenduekin. Ondorioz, Arabako Foru Aldundiak hartuko du bere gain Plan Berezia egitea.

Arabako Foru Aldundiak jakinarazi du prozedura abiatu duela Ferosca I zentral eolikoaren Plan Berezia onartzeko. Berez, egitasmoaren zirriborroa hemen ikusi daiteke. 

Foru erakundeak hartu du bere gain eginkizun hori, Aiarako eta Laudioko Udalen eskumena izan arren. Hain zuzen, Aldundiak biei agindu zien maiatzean ados jartzea Plan Berezia izapidetzeko.

Hala ere, Laudioko zein Aiarako tokiko erakundeek uko egin diote hori egiteari eta alkateen bitartez adierazi diote Diputazioari ez direla ados jarri horretarako eta, aldi berean, berretsi dira ezezkoan, argudiatuta proiektuak ez dituela betetzen tokiko hirigintza planteamenduak.

Gogoratu beharra dago Ferosca I egitasmoaren kontrako 1.000 alegazio baino gehiago aurkeztu zituztela urte hasieran.

Ingurumena

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide