EH Bilduk Eusko Legebiltzarrera eraman du Renfeko C-3 lineako zerbitzuaren egoera, zeinak Bilbo eta Urduña lotzen dituen tren bidez.
Zehazki, koalizioak Mugikortasun Sailburua den Susana Garcia Chueca PSE-EEko ordezkariari hainbat galdera egin dizkio argitzeko zein den Basaurin egiten ari diren obren plangintza, noiz arte luzatuko diren lanak eta ea irauten duten bitartean neguko ordutegia betetzeko bestelako proposamenak egingo dituzten.
“Gaur egun, Aiaraldean C3 lineak eskaintzen duen zerbitzua funtsezkoa da langile zein ikasleentzako. Hori dela eta, eskatzen dugu lehenbailehen ohiko ordutegiak eta maiztasunak berreskuratzea kalitatezko garraio publikoa bermatu ahal izateko”, adierazi du Amancay Villalba EH Bilduko legebiltzarkideak.
Koalizioak honakoa gaineratu du: "C3 Urduña-Bilbo linea funtsezko garraio publikoko zerbitzua da, eta pertsona askok erabiltzen dute, bereziki ikasleak eta langileak. Baina urtarriletik uda bitartean C3 lineak 147 tren zerbitzu baditu, orain 102 baino ez daude".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
