Gaurdanik eskualdeko udal igerileku guztiak egongo dira irekita. Izan ere, Okondo eta Aiarako tokiko erakundeenak falta ziren soilik zerbitzua abian jartzeko eta gaur goizean eta eguerdian egingo dute.
Zehazki, Okondok ohiko ordutegian egingo du, 11:30ean, eta Aiarak, aldiz, 14:00etan izango ditu prest Ibaguengo igerilekuko instalazioak.
Udal gehienek ekainaren 13an eman zioten hasiera denboraldiari, baina ezustekoak ere gertatu dira, Urduñan kasu.
Edonola ere, gogoratu beharra dago gaur eta hurrengo egunetan eguraldi iragarpenek aurreikusi dutela bero handia egingo duela, eta gaur, adibidez, alerta horia indarrean dagoela Araban sute arriskuengatik.
Euskalmet agentziak, esaterako, 34º eta 37º arteko tenperaturak iragarri ditu hurrengo hiru egunetarako.