Euskara ikasteko ikastaroa antolatu du Aiaraldea Ekintzen Faktoriak bigarren urtez jarraian, Aiaraldeko Euskalgintza Kontseiluarekin elkarlanean. Doako ikastaroa izango da eta euskara ikasten hasi nahi duten helduei zuzenduta dago, harrera-ikastaro gisa funtzionatuta.
Ikastaroaren helburu nagusia euskarara hurbiltzea eta hizkuntzan lehen urratsak ematea da. Horretarako, besteak beste, entzumena landuko dute parte-hartzaileek, eguneroko testuinguruetan euskararekin lehen harremana izan dezaten.
Aurten egitasmoak berritasun bat dauka: haurrekin joateko aukera egongo da, programaren parte izango baitira, euskaraz aritzeko eta hizkuntzaren erabilera sustatzeko jardueren bidez. Ikastaroa astean behin izango da, astelehenetan, 17:15etik 18:45ra, Faktorian. Hala ere, ikastaroa helduei zuzenduta dagoenez, haurrak bertara eramateko, helduak ere ikastaroan izena emanda egon beharko du. Aldiz, helduek haurrik gabe ere parte hartu ahal izango dute.
Izen-ematea zabalik
Izena emateko epea dagoeneko zabalik dago, eta taldea osatu arte egongo da aukera batzeko. Eskolak Faktorian emango dira, Laudion. Beraz, euskarara hurbildu eta hizkuntzan lehen urratsak eman nahi dituztenek aukera izango dute ikasten hasteko, modu errazean eta doan.