HISPANITATEAREN EGUNARI PLANTO!

Euskal egutegi propioaren alde lanean ari gara Aiaraldea Kooperatiba Elkartean

Erredakzioa
Gehitu gaitzazu Googlen
Deskargatu Info Ahotsak :

Faktoriak ohiko ordutegia izango du gaurkoan. / Aiaraldea.eus

Hispanitatearen Eguna ospatzeari planto egin eta bulegoko ateak zabaldu ditugu Aiaraldea Kooperatiba Elkarteko langileok. Faktoria espazioak ohiko ordutegi eta funtzionamendua izango du gaurkoan.

Ohiko ordutegiari eutsi dio gaur Faktoriak. Urtero bezala, Aiaraldea Kooperatiba Elkarteko langileok Hispanitatearen Eguna ospatzeari uko egin diogu gaurkoan, Euskal egutegi propioaren aldeko apustuan berretsiz.

Gauzak horrela, goiz eta arratsalde, zabalik egongo dira Faktoriako ateak, eta, 17:00etatik 20:30etara kantina zerbitzua martxan egongo da. Kultur programazioan ere ez da etenik egongo; gaurdanik eta igandera arte, Paskal Irigoyen musikari baxenafartarra Faktorian izango da, sormen egonaldian murgilduta.

Aiaraldea Kooperatiba Elkarteko langileok egin bezala, asko dira Euskal Herri luze zabalean Hispanitatearen Eguna ospatzeari uko egin dioten eragile, sindikatu, kooperatiba eta elkarteak.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide