Aiaraldea Ekintzen Faktoriak arropa plaza antolatuko du azaroaren 7tik 14ra. Ekimenaren bidez, egoera onean dagoen arropari bigarren bizitza emateko aukera eskainiko da, herritarren arteko elkarlana eta berrerabilera sustatuz.
Horretarako, urriaren 15etik 31ra bitartean egoera onean dagoen arropa eraman ahal izango da Faktoriara. Ondoren, azaroaren 7tik 14ra, bildutako arropa herritarren eskura egongo da espazio horretan, ohiko ordutegian.
Arropa plazaren irekiera azaroaren 7an egingo da, 11:00etan. Egun horretan, Ondo Etorriren postua jarriko da, eta bertaratzen direnek salda beroa izango dute.
Ekimenak izaera librea eta doakoa izango du. Pertsona bakoitzak gehienez hiru arropa-ale hartu ahal izango ditu 30 minuturo.
Azaroaren 15etik aurrera, jasotako arropa eskualdeko elkartasun-eragileei emango zaie dohaintzan, ekimenaren izaera solidarioari jarraipena emateko.
Informazio praktikoa
- Arropa biltzeko epea: urriaren 15etik 31ra.
- Arropa Plazaren irekiera: azaroaren 7an, 11:00etatik 14:30era.
- Arropa eskuratzeko egunak: azaroaren 7tik 14ra.
- Ordutegia: astelehenetik ostiralera, 17:00etatik 20:30era; larunbatetan, 10:30etik 14:00etara.
- Prezioa: doan.
- Muga: gehienez hiru arropa-ale pertsonako, 30 minuturo.
Informazio gehiago edo zalantzak argitzeko, telefono zenbaki hau baliatu daiteke: 688 62 59 00 (Izar).