Aiaraldea Kooperatiba Elkarteak bat egin du asteazken honetarako deitutako etxebizitza eskubidearen aldeko greba orokorraren deialdiarekin. Horrenbestez, kooperatibaren egoitza soziala den Faktoria itxita egongo da azaroaren 11n, eta gainontzeko jarduera publiko guztiak ere bertan behera geratuko dira.
Horrez gain, eskualdean egingo diren ekimen eta mobilizazioetara batzeko dei publikoa egin du Kooperatibak, "Aiaraldean bizitzeko behar den-dena! Etxebizitza, eskubidea!" lemapean.
Kooperatibako langile-taldea ere adostasun osoz batu da deialdira eta, horrenbestez, ez du lanik egingo egun horretan.
Aiaraldea Komunikabidearena izango da salbuespen bakarra. Bertako kazetariek lan boluntarioa egingo dute grebaren jarraipena egiteko, eta horretara baino ez dira mugatuko.
