Renferen C-3 lineako zerbitzua ohikoa da gaur. Izan ere, tren gidarien sindikatuak ez du iragarritako lanuztea egin, Espainiako Gobernuak tren sektoreko segurtasunari buruzko dekretua onartu baitu.
Edonola ere, horrek ez du esan nahi makinisten borrokak tentsioa galdu duenik. Guztiz kontrara, gaurko lanuzteak greba bilakatuko dira azaroaren 23an (bi astelehen barru) eta horri gehitu behar zaio azaroaren 17rako (hurrengo asteartean) ere lanuztea egingo dutela.
Urdako istripu lazgarriaren ondoren, langile kolektibo horrek protesta oso indartsuak egin ditu eta bere eragina bistakoa izan da Aiaraldean, non gutxieneko zerbitzuak ere ez diren bete, C-3 lineako zerbitzua erabat kolapsatuta.