Kaleetan soilik ez, eskualdeko lantegietan ere nabarmena izan zen atzoko greba orokorraren eragina, sindikatuek azaldu dutenez. Langile erakundeek jasotako datuen arabera, jarraipenak %80ko langa gainditu zuen eskualdeko fabrika nagusietako produkzioko langileen artean, %90tik gora kokatuta Tubacex zein Tubos Reunidosen kasuetan.
Hauek dira iturri sindikalek jasotako datuak, lantegiz lantegi:
- Inauxa: %96ko jarraipena
Produkzioa etenda - Aiala Vidrio: %80 inguruko jarraipena
Produkzioa etenda - Jez-Voestalpine: %85eko jarraipena
Produkzioa etenda - Tubacex: %95 jarraipena hitzarmenpean dauden langileen artean
Produkzioa etenda - Envases: %60ko jarraipena
Produkzioa txanda batzuetan guztiz geldirik - Maderas de Llodio: %60ko jarraipena
Produkzioa erdi etenda (makina batzuk jardunean) - Aianox: %50eko jarraipena
Produkzioa erdi geldi txandaren batean - Tubos Reunidos: %90-95eko jarraipena
Produkzioa etenda
Merkataritzan ere jarraipen zabala
Merkataritzan ere jarraipen zabala izan zuen atzoko greba egunak. Ez dago datu ofizialik, baina goizeko txanpan Laudio zein Amurrioko saltoki eta taberna gehienek jaitsi zuten pertsiana, Aiaraldea Komunikabideak eginiko jarraipenaren arabera.
Gainera, merkatal gune handiago batzuk ere ez ziren ireki, Laudio zein Amurrio BM edota Eroskiren supermerkatuak kasu.