Podemosetik kanporatuak izan diren lau ahaldunek jakinarazi dute epaitegietara eramango dutela alderdiak eurekiko hartutako erabakia. “Alderdi Politikoen Legea urratu dela uste dugu”, azaldu du Dani Trujilladok. Ahaldun amurrioarraren arabera, ez zitzaien euren aurkako espedientea tramitatzeko bileraren eguna ez eta gai ordena jakinarazi, eta horregatik uste dute euren kanporaketa legearen aurkakoa dela. Lau ahaldunek adierazi dute uztailean jarriko dutela salaketa eta ziurtatu dute ahaldun izateari utziko diotela epaitegiak arrazoia ematen ez baldin badie.
Foru Aldundiaren aurrekontuen aurka bozkatu zuten lau ahaldunek abenduan, eta horregatik kanporatu dituzte Podemosetik. Trujillanok salatu du alderdiak aurrekontuetan abstenitzeko erabakia “Telegram bidez” hartu zuela, “zuzendaritza ez zen zirkuluekin bildu. Oinarriek aurrekontuen aurka bozkatzea eskatzen badute nik ezin dezaket aurkakoa egin”. Era berean, Aldundiak Podemosen taldeari emandako 250.000 euroak itzuli behar direla eta taldearen izena aldatu behar dela aldarrikatu du ahaldun amurrioarrak.
Epaitegietara joko dute Dani Trujillanok eta Podemosetik kanporatutako beste ahaldunek
Epaitegiak arrazoia ematen ez badie ahaldun izateari utziko diote, amurrioarrak azaldu duenez.
Erlazionatuak
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide