Udalaren 37 eraikin ikertuko dituzte amiantoa duten jakiteko

Erredakzioa 2017ko urriaren 11

Minbizia sortzen duen elementua da amiantoa. / Stefano Mortellaro

Enpresa bat kontratatu du udalak lan hori egiteko, 10.073,25 euroko aurrekontua baliatuta.

Bere jabegoko 37 eraikin ikuskatuko ditu Amurrioko Udalak, amiantorik duten jakiteko. Enpresa baten bidez egingo du tokiko erakundeak ikerketa, 10.073,25 euroko aurrekontua baliatuta.

Iaz onartu zen Udal Osoko Bilkurak amiantoaren inbentarioa egitea eskatzen zuen mozioa. Eskaera betetzeko egingo dute azterketa, udaletik jakinarazi dutenez. “Ebaluatuko diren eraikinen artean daude eraikuntza-urtea edo eraikuntza-ezaugarriak direla eta amiantoa eduki dezaketenak”, adierazi dute udaletik, “azterketa horretatik kanpo geratuko dira, hortaz, eraiki berriak”.

Amiantoa duten eraikinak identifikatu ostean, espazio horiei begirako moldaketak proposatuko dituzte, kasuan kasu behar diren segurtasun neurriak hartu daitezen.

Politika Amurrio

Erlazionatuak

Amiantoa, urteen poderioz azaleratzen den arazoa

Txabi Alvarado Bañares 2017 ots 25 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide