Lanpostuen suntsiketaren aurka mobilizatzeko deia egin dute Tubos Reunidoseko langileek

Erredakzioa 2017ko azaroaren 22a
Deskargatu Info Ahotsak :

Lanpostuen suntsiketa salatu dute Tubos Reunidoseko langileek. / aiaraldea.eus

Enpresak hartutako azken neurriek prekarizazioan sakontzea beste helbururik ez dutela salatu dute Tubos Reunidoseko langileek. Mobilizazioa deitu dute azaroaren 27an Amurrion.

Tubos Reunidos enpresako zuzendaritzak aurkeztutako garapen planaren barruko lehenengo neurrien kontra azaldu dira langileak.

Enpresak duen 300 milioi euroko zorra langilei ordainarazi nahi zaiela salatu dute. Lanpostuen murrizketa, lan baldintzen kaskartzea eta langileen segurtasuna zalantzan jartzea prekarizazioan sakontzeko pausuak direla adierazi dute enpresa batzordeko kideek.

Mobilizazioa hurrengo astelehenean
Egoera horrek beharginei ez ezik eskualde osoari eragiten diola mahaigaineratu dute eta mobilizazioetan parte hartzeko deia egin diote herritar orori. Azaroaren 27rako egin dute deialdia, 19:30ean Amurrioko Juan de Urrutia plazan.

Ekonomia Amurrio
Erlazionatuak
Ehunka langileren bizimodua, kolokan: Tubos Reunidos, CEL eta Gometegui
Ehunka langileren bizimodua, kolokan: Tubos Reunidos, CEL eta Gometegui

Txabi Alvarado Bañares 2017 aza 02 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide