Luisa Ibarrola sekulako denboraldia betetzen ari da eta atzo Lezamako Ziklokrosean eskuratutako garaipena horren adierazle da.
Saratxoarrak 40 minutu eta 47 segundo behar izan zituen ibilbide labainkor eta gogorra bukatzeko. Izan ere, euriek lupetzez bete zuten zirkuitua eta tarte batzuetan bizikletatik jaitsi behar izan ziren txirrindulariak aurrera egiteko.
Edonola ere, horrek ez zuen eragin handirik izan, antza, Luisa Ibarrolan. Gaztea onena izan zen bere kategorian -Junior- zein adin gehiagokoan -Elite-. Berez, Elite mailako lehenengoa Ibarrola baino 43 segundo beranduago sartu zen eta Junior mailako hurrengoak 2 minutu eta 26 segundo gehiago behar izan zituen.
Hainbat garaipen
Lezamako garaipenari gehitu behar zaizkio Legazpin, Urduñan, Beasainen, Fresno de Rodillan edota Medina de Pomarren erdietsitakoak.
Horrez gain, Espainiako Kopan 2. postua eskuratu du Elorrion eta Laudion. Hori dela medio, Sub-23 kategoriako sailkapenean burua da, nahiz eta Junior den bere adinagatik.
Luisa Ibarrola Saratxoko txirrindulariak berriro garaitu zuen atzo Lezamako ziklokrosean. Junior Kategorian lehiatu arren, markarik onena lortu zuen eta alde nabarmena atera zion Elite Kategoriako lehen sailkatuari.
Erlazionatuak
Luisa Ibarrola Munduko kopan lehiatzeko prest
2017 aza 16 Amurrio
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide