Aipamen berezia egin diote Amurriori Euskadiko 2017ko Udalerri Jasangarrien Sarian

Erredakzioa 2018ko urtarrilaren 25a

Josune Irabien alkatea egon zen sari banaketan. / Amurrioko Udala

Nabarmendu dutenez, tokiko erakundea aitzindaria izan da jasangarritasuna bere politiketan “irizpide gisa” txertatzen.

Aipamen berezia jaso du Amurrioko Udalak Euskadiko 2017ko Udalerri Jasangarrien Sariaren banaketan. Udalsarea 21 euskal udalerrien sareak sustatzen du sari-banaketa hori.

Udalaren “ikuspegi estrategiko integrala” nabarmendu dute aipamenean, baita “herrian jasangarritasun-politikak abiatzerako orduan izandako lidergoa” ere.

Azpimarratu dutenez, tokiko erakundea aitzindaria izan da jasangarritasuna bere politiketan irizpidetzat jotzen.

Hori ez da Amurrioko Udalak jaso duen lehen saria. Azaroan beste aitortza bat jaso zuen %100 jasangarria den papera erabiltzeagatik.

Gasteiz garaile
Tolosa, Legazpi eta Durangoko udalek ere jaso dute aipamen berezia. Sari nagusia, aldiz, Gasteizek jaso du, “jasangarritasunaren inguruko ikuspegi estrategikoa duen administrazio publikoa izateagatik, bere politikak zeharkakotasunez eta modu koordinatuan gauzatzeko duen ahalmen handiagatik, eta herritarrak politika horien ezinbesteko alderdi gisa inplikatzeagatik”.

Ingurumena Amurrio

Erlazionatuak

Udalak ingurumenaren arloan egiten duen lanari saria

Erabiltzailearen aurpegia Irati Marañon Quintana 2013 eka 19 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide