Mugikortasuna, kutsadura eta tokiko erakundeen finantzaketa eztabaidagai udalbatzan

Erredakzioa 2018ko urtarrilaren 27a

Urteko lehenengo Udal Osoko Bilkura izan zen ostegunekoa. / Aiaraldea.eus

Urteko lehenengo Udal Osoko Bilkura egin zuten ostegunean Amurrion. Mugikortasuna, ur-hondakinen kudeaketa eta tokiko erakundeen finantzaketa izan zituzten hizpide.

Beste behin jarri ziren mahai gainean kutsagarrien isurketak ibaian eragindako kalteak, oraingoan uraren kalitatea kontrolatzeko puntuak jartzea izan zen eztabaidagai nagusia.

Mugikortasuna gai nagusi
Mugikortasunaren eztabaidak pisua hartu zuen osteguneko bilkuran. Herriko aparkaleku plazak eta BAT garraio publikorako txartelaren errekarga postuen inguruan aritu ziren Alderdi Popularrak aurkeztutako bi mozioen harira.

Tokiko erakundeen finantzaketa ezbaian
Eskualdeko beste hainbat udalbatzetan egin bezala, tokiko erakundeen finantzaketarako foru funtsaren gaineko mozioa aurkeztu zuen EHBilduk. Koalizioak 20 urte berrikusia izan gabe daramatzan finantzaketa sistema aldatzeko eskatu zuen, horrela era egokian erantzun ahal izateko gaur egun tokiko erakundeek dituzten eskumenei.

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide