Ekintza ugari egin dira eskualdean aste honetan Julen Ibarrolaren alde. Asteazkenean elkarretaratzeak egin ziren hainbat ikastetxeetan, eta atzo kotxe-karabana luze bat aritu zen Amurrioko kaleetan barrena, gazte amurrioarraren aurkako espetxeratze agindua salatzeko.
Kazerolada
Gaur goizean, aldiz, kazerolada egin dute herriko kaleetan barrena:
#JulenLibre eta gurekin nahi dugu! Kaleetan babestuko dugu!
— #JulenLIBRE (@JulenLIBRE_) 2018(e)ko otsailak 9
Arratsaldean 19:00etan MANI-KAZEROLADA herriko plazatik! pic.twitter.com/7nnlBJR4Uz
Ertzaintzak gazte bat identifikatu du mobilizazioaren amaieran, errotuladore batekin "Julen libre" idazteagatik:
ADI! Ertzaintza manifestazio amaieran bortikzi sartu da kotxeekin eta gazte bat identifikatu dute rotulkiarekin #JulenLibre idazteagatik!! Ez gaituzue geldituko! Euskal gazteria aurrera! 19:00tan Kazerolada plazatik!@aiaraldea @ErnaiAiaraldea @halabedi @naiz_info @topatu_eus
— #JulenLIBRE (@JulenLIBRE_) 2018(e)ko otsailak 9
Elkartasun mezu ugari
Eragile ugarik erakutsi nahi izan diote elkartasuna Ibarrolari. Laudioko EH Bilduk prentsa-oharra plazaratu du “euskal gazteriaren kriminalizazioaren aurka eta adierazpen askatasunaren alde”. Gaur arratsaldeko zazpietan Amurrion egingo den elkarretaratzean parte hartzera deitu du talde politikoak.
LAB sindikatuko delegatuek ere elkartasun mezua helarazi diote astelehena baino lehen kartzelan sartzeko agindua duen gazteari:
Errotulki batekin margotzeagatik URTE BAT kartzelara! Noiz arte? Animo Julen, zurekin gaude! EUSKAL GAZTERIA AURRERA! #JulenLIBRE @JulenLIBRE_ @ErnaiAiaraldea @SortuLaudioEH @aiaraldea pic.twitter.com/rzGUr24EMT
— LAB #JulenLIBRE (@LABaiara) 8 de febrero de 2018
Iñauxako langileak ere lerrokatu dira gazte amurrioarraren askatasunaren alde:
Habemus Papam musika taldeak ere bat egin du Ibarrolaren askatasuna aldarrikatzeko deitu diren mobilizazioekin. “Kasu honetan espainiar estatuaren mendeku politikoa gure atzaparretan bizi izan dugu”, adierazi dute ,“gazte independentista eta konprometitua izateagatik espetxeratuko dutelako gure laguna den Julen”.
