aiaraldea.eus

Saratxo Biziriken proiektu alternatiboa aztertuko du udalak

Erabiltzailearen aurpegia Erredakzioa   Politika  Amurrio  Amurrio: Saratxo

Informazio Batzordea eratuko dute gaia lantzeko. Talde politiko guztiak azaldu dira horren alde. 

Saratxo Biziriken proiektu alternatiboa aztertuko du udalak
Protesta ugari egin dituzte Saratxo Bizirik plataformako kideek Aldundiaren proiektuaren aurka. / Aiaraldea.eus | Ikusi handiago | Argazki originala

Saratxo Bizirik plataformak herritik igaroko den saihesbidearentzako eginiko proiektu alternatiboa aztertuko du udalak. Hala onartu zuen tokiko erakundeak atzo eginiko batzordean, Orain Amurriok aurkeztutako mozioaren bidez.

Talde politiko guztiek bozkatu zuten alde. Hirigintza eta Ingurugiro sailen Informazio Batzordea eratuko dute horretarako, udaleko teknikariekin batera. ISVIAL enpresako kideak gonbidatuko dituzte bilera horretara, proiektua azaldu dezaten.

Hala jakinarazi du Orain Amurriok komunikabideei bidalitako oharrean. Talde politiko hori izan da proiektu alternatiboa sustatu duena. “Oso garrantzitsua iruditzen zaigu talde politiko guztiek lehen eskutik izatea ikerketa alternatiboaren berri”, adierazi dute.

Era berean, talde politikoak nabarmendu du berebizikoa dela baita ere proiektua herritarren eskura iristea, arazoari “irtenbide urgentea” emateari begira. Nabarmendu dutenez, ISVIAL enpresako teknikarien proposamenak lursail gutxiago okupatuko luke eta merkeagoa izango litzateke.

Martxoan aurkeztu zuten proiektu alternatiboa, Saratxon bertan:

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa