Zaraobe Institutuko ia ikasle guztiek egin diote planto PISAri
Erredakzioa
2018ko api. 20a, 12:38
53 ikasle hautatu dituzte azterketarako eta horietako 4k baino ez dute egin.
Amurrioko Zaraobe Institutura joan dira gaur Eusko Jaurlaritzako Hezkuntza Saileko ordezkariak, bertako DBH 3. eta 4. mailako hainbat ikasleri PISA azterketa eginarazteko asmoz.
53 ikasle hautatu eta azterketa egiteko prestatutako gelara eraman dituzte, baina ikasleak altxatu eta pasillora irten dira orduan. Ikasketa burua bertaratu da eta azterketa egin nahi ez zuten ikasleei eskua altxatzeko eskatu die. Gehienek erakutsi dute orduan planto jarrera, 4 ikasle baino ez baitira geratu azterketa egiten.
Antzeko zerbait gertatu zen atzo Laudio Institutuan. PISA azterketa egin behar zuten ikasleak patiora atera ziren eta mobilizazioa egin zuten gero Laudio Ikastolaraino, ikastetxe hori ere hautatu dutelako Hezkuntza Saileko kideek.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
