Ekainaren 10ean izango da Ahuntz eguna

Jende ugari elkartzen da Baranbioko Ahuntz egunean. / Aiaraldea.eus

Baranbioko Administrazio batzarrak aurtengo egitaraua aurkeztu du. Ekaineko bigarren asteburuan ospatuko dute festa.

XXI. edizioa izango da aurtengoa, eta ohi bezala, feria antolatuko dute Antonio Deunaren omenez. Ekainaren 10ean, igandean, egingo dituzte ekintza gehienak. 

Motorrak berotzeko, ordea, solasaldia eskainiko dute ekainaren 8an, 20:00etan Garrastatxuko santutegian. Ondoren, 21:30ean, afaria egongo da partaide guztientzat, bertan dagoen txokoan.

Azoka, ekainaren 10ean
Azoka, aldiz, igandean egingo dute. 8:15ean hasiko da Azpigorrie ta Azpizuri ahuntzen XIII. lehiaketa. Horrez gain, abere salmentak ere izango du tartea, ahuntz arraza guztiak onartuko baitituzte. 12:00etan izango da meza ordua Garrastatxuko elizan; eta 13:30ean ekingo diote akerkoen pisaketari. Sari banaketen ondotik, herri bazkariaz gozatuko dute bertaratzen direnek. Horretarako, ordea, txartelak erosi beharko dira Baranbioko Administrazio Batzarrean edota Garrastatxuko txosnan. Ekainaren 5ean bukatuko da izena emateko epea. Edozelan ere, erromeriarekin amaituko dute eguna, 17:00etatik aurrera.

"Ekainaren 13an ere meza egongo da, 12:00etan", zehaztu dute Baranbioko Administrazio Batzarretik.

Erlazionatuak

Garrastatxu Mendi Ibilaldiak bat egingo du Ahuntz Egunarekin

Amurrio Baranbio

Euskal Preso Politikoen aldeko mendi ibilaldiak Baranbioko Ahuntz Egunarekin bat egingo du. Zeharkaldia eta abere azoka ez ezik, zozketa egongo da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide