EAJk eta EH Bilduk Hiri Antolamenduko Plan Orokorra eta aurrekontuak adostu dituzte

Erredakzioa 2018ko ekainaren 8a
Deskargatu Info Ahotsak :

Amurrioko udal gobernu taldeko zenbait kide. / Aiaraldea.eus

EAJk adierazi du aurrekontuen onarpena ez dela zenbait inbertsiora lotuta egon, EH Bilduk esan bezala.

EAJk oharra zabaldu du jakinarazteko EH Bildurekin hilabeteak negoziatu ostean, adostu dituztela ez bakarrik 2018ko aurrekontuak, baita Hiri Antolamenduko Plan Orokorra ere.

HAPOak hirigintzaren garapenean hurrengo 10 urteetan ikuspegi soziala eta aurrerakoia ezartzeko balioko du, EAJren ustez.

Horrez gain, jeltzaleek nabarmendu nahi izan dute akordioa ez dela lortu udal gobernu taldeak EH Bilduk proposatutako zenbait inbertsio egingo dituelako. Jeltzaleek adierazi dute 693.000 euroko gastu horiek (gasolindegi zaharrean errotonda eraikitzea, Larrabeko lokala...) aurretik herritarrekin hartutako konpromisoen ondorio izan direla.

Edonola ere, EAJk argitu du negoziazioak giro adeitsuan jazo direla.

Politika Amurrio
Erlazionatuak
EH Bilduk positiboki baloratu du Amurrioko udal-aurrekontua, “693.000 eurotan baloratutako inbertsio estrategikoak” ziurtatu dituelako
EH Bilduk positiboki baloratu du Amurrioko udal-aurrekontua, “693.000 eurotan baloratutako inbertsio estrategikoak” ziurtatu dituelako

Txabi Alvarado Bañares 2018 eka 07 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide