aiaraldea.eus

Altsasuko gazteak eta Saratxoko biribilgunea hizpide Amurrioko uztaileko udalbatzan

Erabiltzailearen aurpegia Aimar Gutierrez   Politika  Amurrio

Altsasuko gazteen kasua, gizarte-zerbitzuen finantzaketa eta Saratxoko saihesbidea izan ziren uztaileko Udal Osoko Bilkurako gai nagusiak.

Altsasuko gazteak eta Saratxoko biribilgunea hizpide Amurrioko uztaileko udalbatzan
Saratxoko saihesbidea izan zuten hizpide beste behin Udalbatzan. / Aiaraldea.eus | Ikusi handiago | Argazki originala

Hiru izan ziren Amurrioko uztaileko udalbatzan landutako gai nagusiak. EH Bilduk bi proposamen aurkeztu zituen Udal Osoko Bilkuran eztabaidatuak izan zitezen.

Alde batetik, Altsasuko gazteei ezarritako espetxe zigorren aurka azaltzea eskatu zitzaion Amurrioko Udalari. Talde politiko guztiak azaldu ziren alde, PP eta PSE-EE izan ezik.

Bestetik, gizarte-zerbitzuen finantziaziorako proposamena egin zuen koalizio abertzaleak. Bertan, udalaren eta Arabako Foru Aldundiaren arteko hitzarmena eskatu zuten. Guk Bai eta Orain Amurrio alderdien babesarekin aurrera egin zuen egitasmoak.

Saratxoko saihesbidearen proiektua
Orain Amurriok ekimena eraman zuen Udal Osoko Bilkuran, Arabako Aldundiak Saratxoko errepideko obrak udalean ebatzitako biribilgunearen alternatiba kontuan hartu gabe hasi nahi izanaren harira.

Orain Amurriok uste du biribilgunea A-625 errepideko obretan lur okupazioa nabarmen murriztuko duela. Hori dela eta, alderdiak eskatu dio Arabako Foru Aldundiari erakusteko errotonda baztertzen duen txosten teknikoa. Guk Bai eta EH Bildu proposamenaren alde azaldu ziren eta EAJ abstenitu egin zen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa