Denboraldi berriari heltzeko prest dago Amurrio Club

Aimar Gutierrez Bidarte 2018ko uztailaren 13a
Deskargatu Info Ahotsak :

Talde berritua aurkeztuko du Amurrio Clubek hurrengo denboraldirako. / Amurrio Club

Uztailaren 19an ekingo dio Amurrio Clubak 2018-2019 denboraldiko prestaketari. Aurredenboraldiko egutegia aurkeztu dute.

Entrenamenduak uztailaren 19an hasiko ditu Amurrio Clubak, Iban Urbano entrenatzaile berriaren gidaritzapean. Lehenengo entrenamendua Basarteko zelaian egingo dute, arratsaldeko 19:00etan.

Horrenbestez, 2018-2019 denboraldia prestatzeko partida egutegia ere osatu dute. Norgehiagoka nagusia Amurrioko Jaietako partida izango da. Abuztuaren 11n jokatuko da Basarteko zelaian, 19:00etan, eta sarrera doakoa izango da. Amurrioarrek SD Amorebieta 2. B mailako taldea izango dute aurkari.

Gainerako partidak hauek izango dira:

  • Uztailak 25 (20:00): CF Briviesca - Amurrio Club
  • Uztailak 28 (11:00): Amurrio Club – Sestao River
  • Abuztuak 1 (20:00): Haro Deportivo – Amurrio Club
  • Abuztuak 4 (11:00): Amurrio Club – Club Portugalete
  • Abuztuak 8 (19:00): Amurrio Club – Barakaldo CF
  • Abuztuak 15 (19:00): San Ignacio – Amurrio Club
  • Abuztuak 18 (11:30): San Pedro – Amurrio Club

Kirola Amurrio
Erlazionatuak
Entrenatzaile berria du Amurrio Clubak: Ivan Urbano Aretxabala
Entrenatzaile berria du Amurrio Clubak: Ivan Urbano Aretxabala

Aimar Gutierrez Bidarte 2018 mai 25 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide