"Jaiak, gauak eta plazak gureak dira" lemapean, manifestazioa egin zuten atzo Amurrion. Arrazoiak ekimenaren hasieran azaldu zituzten: "Ez dugu jaietan, etxera bidean, atzera begira joan nahi. Plazan ta kontzertuetan emakumeak oholtzan, dantzan eta gozatzen egon nahi dugu. Ez duguo babosorik onartuko gure espaziotan...".
22:30ean zabaldu zuten aldarria, parkean eginiko ekitaldian: "Asko gara, aski gara eta sarertuta gaude. Autodefentsa feminista da gure arma". Emakumeak protagonista izatea zen nahia, horregatik hartu zuten lehen lerroa. "Autodefentsa feminista aldarrikatzea da mobilizazioaren helburua". Hala, beltzez jantzita agertu ziren mugimendu feministako kideak, buruberokiak soinean.
Sarea hedatuz
"Amurrioko jaietan ez dugu eraso matxistarik onartuko", azpimarratu zuten. Atzotik -jaiak amaitu arte- 24 orduko protokoloa jarri du martxan Otsemeakek. Iragan astean aurkeztu zieten eragileei, eta modu bateratuan erantzuteko konpromisoa hartu dute. "Erasotua izan bazara edo erasoren bat ikusi baduzu, deitu 688745180 telefonora. Erasoei erantzutea guztion ardura da". Halaber, atzoko manifestazioaz gain, jaietan feminismoa errotzeko bi mural egin ditu talde feministak.