aiaraldea.eus

Greziako errefuxiatuen kanpalekuetan egon dira Amurrioko Aisia eskaut taldeko kideak

Erabiltzailearen aurpegia Erredakzioa   Jendartea  Amurrio
Greziako errefuxiatuen kanpalekuetan egon dira Amurrioko Aisia eskaut taldeko kideak

Hesiheseko kideak ez dira izan Greziako errefuxiatuen kanpalekuetara joan diren bakarrak. Amurrioko Aisia Eskaut Taldeko zenbait kidek ere antzeko bidaia egin dute. Abuztuaren 20tik irailaren 2ra egon dira SOS Refugiados elkarteak alokatua duen Victoria Social Centerren lanean.

“Oso esperientzia aberatsa izan da”, eskautek azaldu dutenez. Errefuxiatuekin lan egiten aritu dira; janaria banatzen, klaseak ematen, eskulanak egiten… “Baina horren guztiaren gainetik haiekin hitz egiteko aukera izan dugu. Askok ikasketa maila altua zuten, zuek eta guk izan dezakegun bizimodu ona. Baina denbora gutxian hori guztia aldatu egin zen. Jada urteak daramatzate egoera horretan eta epe laburrean ez dute soluziorik ikusten”.

Atenas hiriaren egoerak deigarria iruditu zaie eskautei. “Nabaria da Grezia krisi sakonean dagoela. Nahiz eta hiriko erdigunea ondo mantendua dagon, bertatik urruntzean gune baztertuetan zikintasuna, pobrezia, droga... ikus daitezke”.

Errefuxiatuen egoeraren gogortasuna nabaremendu dute amurrioarrek. “Janaria banatzen zen zenbait egunetan. 4€ inguru balio zuen ematen zitzaiena familiei. Momentu horretan sortzen ziren gatazkak egoera horren larritasunaren isla dira”.

Nazioarteko boluntariotza da Aisia Eskaut Taldearen aurtengo erronketako bat, “gazteek askotan hain ezezaguna duten errealitatea ezagutu eta bizi zezaten”.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa