Iragan astean Saratxoko industriagunean gertatutako isurketak ez ditu ibaiko landaredia eta fauna kaltetu. Hori dio isurketa egin duen enpresak, Josune Irabienen arabera. Gaiari buruzko azalpenak eman zituen Amurrioko alkateak iragan osteguneko Udal Osoko Bilkuran. “Isurketa egin zuen enpresa izan zen abisua pasa eta egoera konpontzeko baliabideak jarri zituena”, aipatu zuen Irabienek, “sare batekin babestu zuten espazioa. URA agentziako zaindaria ere egon zen bertan, bera baita alor horretan eskumenak dituena eta gertatutakoaren gaineko txostena osatuko duena”.
Udala enpresarekin bildu zen gero, eta honek argitu zuen isurketa “giza-akats” bategatik gertatu zela eta ez zuela eragin handirik izan ibaian. “URAk ateratzen dituen ondorioen arabera baloratuko dugu zer neurri hartu”, jakinarazi du Irabienek.
Iaz milaka arrain hil ziren, Reforreko industriagunean gertatutako isurketa baten ondorioz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
