Ibilaldi batekin emango dio hasiera ikasturteari Amurrioko Aisia Eskaut Taldeak, igandean

Txabi Alvarado Bañares 2018ko urriaren 12a

Greziako errefuxiatuen kanpalekuetan egon dira Aisia Eskaut Taldeko kideak udan. / Aisia Eskaut Taldea

10:00etan abiatuko dira Amurrioko kioskotik Maroñora. 19:00etan itzultzeko asmoa dute.

Etzi -urriak 14, igandea- emango diote hasiera ikasturte berriari Amurrioko Aisia Eskaut Taldeko kideek. Ibilaldia egingo dute horretarako Maroñora. 10:00etan abiatuko dira Amurrioko kioskotik, 19:00etan itzultzeko. Nahi duen gazte orori luzatu diote martxan parte hartzeko gonbita. "Mendian aritzeko arropa, ogitartekoa eta kantinplora baino ez dira eraman behar", adierazi dute. Gurasoek ere izango dute parte hartzeko aukera eta "B plana" ere badute, "euria egiten badu gauzatzeko".

Eskaut taldeko kideen helburua da gazteen prestakuntza sustatzea, "metodologia ludikoa baliatuta". Hainbat ekimen prestatzen dituzte horretarako. Ordubeteko bilerak izaten dituzte astero, jolasak, tailerrak eta hausnarketak burutzeko. Hilean behin, aldiz, irteerak antolatzen dituzte. Horrez gain, hiru kanpamentu egiten dituzte urtean zehar: Gabonetan, Aste Santuan eta udan.

Hezkuntza Amurrio

Erlazionatuak

Greziako errefuxiatuen kanpalekuetan egon dira Amurrioko Aisia eskaut taldeko kideak

Erredakzioa 2018 ira 19 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide