Alfredo Remirez Marañon Zaballako espetxetik atera da, urtebeteko kondena beteta

Erredakzioa 2018ko azaroaren 3a

Alfredo Remirez Marañon amurrioarra aske geratu da gaur, urtebeteko kartzela zigorra bete ostean. 08:45ak aldera utzi du atzean Zaballako presondegia eta hainbat lagun eta seniderekin elkartu da.

Amurrioko Jaietan euskal preso politikoen panpinak erakusteagatik eta sare sozialetan "@erreharria" erabiltzaile gisa izandako jardueragatik zigortu eta espetxeratu zuten Alfredo Remirez Marañon iaz. Urtebete eman du kartzelan; Basaurin, Darocan -Zaragozatik gertu- eta Zaballan.

Bere senideek auto istripua izan zuten espetxealdian eta azken asteotan baimenak eskuratu ditu amurrioarrak baldintzapean kalera ateratzeko. Gaur, ordea, zigorra beterik aske geratu da.

Basauriko espetxean zegoelarik Amurrioko beste euskal preso politiko batekin egon zen, Julen Ibarrolarekin, alegia. Gazte amurrioarra otsailean aterako da kartzelatik, berari ere urtebeteko kartzela zigorra ezarri baitzioten adierazpen askatasunarekin erlazionatutako beste delitu bat egotzita.

Eguerdian eta arratsaldean jarraitu zuten herritarrek ongi etorria egiten Remirezi:

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide