Larunbatean -abenduak 1- ospatuko dute Euskararen Eguna Baranbion. Egun osoko egitarau prestatu dute. 10:00etan dianak egingo dituzte Garrastatxun. Handik hamar minutura abiatuko da mendi martxa, inguruko hainbat paraje bisitatuko dituena. 14:30ean herri bazkaria egingo dute baselizaren aurrean. Ander eta Lander trikitilariek girotuko dute bazkalostea eta irrintzi txapelketa egingo dute gero, 18:30ean, egunari amaiera emateko.
Egunaren antolatzaileek bat egin dute Euskaraldia dinamikarekin, eta ahobizi eta belarriprest “egunero” izateko deia luzatu diete herritarrei.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
