Bi abesti ditu diskoak eta oso kopia gutxi atera dituzte.
Lan berria plazaratuko du Ziztada&Rlantz bikoteak. Erlantz Serranok eta Irune Elgezabalek osatzen dute proiektua. Udaberrian plazaratu zuten lehen diskoa, Egun hotzak izenekoa.
Lan horretako abestien remix bilduma bat ere plazaratu berri dute, hainbat musika-ekoizlerekin elkarlanean.
Argitaratu berri duten biniloak, aldiz, bi abesti ditu. "Alde batetik, Sistah Lore artistaren Back to the roots abestiaren steppa bertsioa izango dugu, eta beste aldetik Ziztadaren The market of fame kanta", azaldu dute.
Nabarmendu dutenez, biniloaren kopia bakan batzuk baino ez dituzte egin. Ale bat eskuratzeko mezu bat bidali beharra dago ziztadarlantz@gmail.com helbidera.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
