aiaraldea.eus

Orain Amurrioko zinegotzi baten familiaren autoetan eta etxebizitzan egin dituzte pintadak

Erabiltzailearen aurpegia Erredakzioa   Politika  Amurrio

Maria Jose Garcia Orain Amurrioko zinegotziaren eta bere senideen autoetan eta etxean egin zituzten pintadak ostiralean gauean, eta salaketa egin du udal taldeak. Amurrioko Udalak ere gaitzetsi ditu.

Orain Amurrioko zinegotzi baten familiaren autoetan eta etxebizitzan egin dituzte pintadak
Maria Jose Garciaren etxean egindako pintada. / Orain Amurrio | Ikusi handiago | Argazki originala

Larunbatean salatu zuen Orain Amurrio udal taldeak bere zinegotzi baten etxean eta bere familiaren autoetan eta etxebizitzan pintadak egin zituztela aurreko gauean, hau da, ostiralean.

Orain Amurriok oharra zabaldu du azaltzeko, bere ustez, Maria Jose Garciaren ondare eta askatasunaren aurkako eraso pertsonal eta politikoa izan dela.

Udal taldearen aburuz, pintadek harremana dute eurek duela gutxi aurkeztutako mozioarekin. Izan ere, bere bi ordezkariek aldarrikatu zuten udalbatzan monarkia amaitu behar dela Estatu Espainiarrean. Bide batez, euskal errepublikaren aldeko hautua ere egin zuten. Talde gehienen babesarekin onartu zen testua.

Amurrioko Udalak ere gaitzetsi ditu pintadak eta azpimarratu du elkarbizitzarako ezinbestekoa dela errespetua.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa