aiaraldea.eus

Saratxo Bizirikek azaldu du etsituta dagoela A-625 errepideko proiektua %1ean bakarrik aldatu delako

Erabiltzailearen aurpegia Aitor Aspuru Saez   Ingurumena  Amurrio  Amurrio: Saratxo

Saratxo Bizirik 2.0 plataformak eta herriko Administrazio Batzarrak jakinarazi dutenez, Arabako Foru Aldundiarekin izandako negoziazioek ez dute emaitza berezirik eman, eta desjabetze berriak abiatu dituztela lur zabalera gehiago okupatzeko. Aldundiak urtarrilean egingo du A-625 errepidearen obren esleipena.

Saratxo Bizirikek azaldu du etsituta dagoela A-625 errepideko proiektua %1ean bakarrik aldatu delako
Amurrion Arabako Batzar Nagusien osoko bilkura egin zenean, protesta antolatu zuten saratxoarrek. / Aiaraldea.eus | Ikusi handiago | Argazki originala

Saratxo Bizirik 2.0 plataformak eta herriko Administrazio Batzarrak jakinarazi dutenez, A-625 errepidearen proiektuak aldaketa oso txikiak izan ditu: okupatzen duen lur azalera %1 murriztu da soilik. Herritarrak oso etsituak agertu dira, Arabako Foru Aldundiak zabaldu baitu urtarrilean esleituko dituela errepidearen obrak.

"Aldaketa minimo hau adar jotzea izan zen guretzat hainbeste bilera eta hainbeste eskakizun ostean proiektu basatia jasangarria bihurtzeko, eta azkenik horixe zen aldatzeko zuten borondatea. Makilaje hutsa!" salatu dute saratxoarrek.

Berez, plataformak gehitu du apirilean ISVIAL enpresarekin eta Orain Amurriorekin sortutako aldaketa tekniko egingarriak ere baztertu dituela Arabako Foru Aldundiak.

Urtarrilean muga
Saratxoarren hitzetan, iruzurra egin dietela sentitu dute sentitu dute Arabako Foru Aldundiak jakinarazi ostean urtarrilean abiatuko duela prozesuaren azken bultzada: "Jada oraindik ezjabetzak egiteke zituztenei eta azalera gehiago kenduko dieten batzuei deitu diete. Hasierako puntura bueltatu gara, hamaika bilera, eskakizun eta buruhausteren ondoren, azkenik gure iritzia mespretxatua izan da".

Izan ere, bilera andana egin eta gero, Saratxoko herritarren aldarrikapen gehien-gehienak bertan behera geratu dira, euren ustez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa