aiaraldea.eus

Hutsik geratu da Bañueta kiroldegiko kudeaketa esleitzeko bigarren lehiaketa

Erabiltzailearen aurpegia Txabi Alvarado Bañares   Kirola  Amurrio

Lehiaketaren lehen deialdian hautatutako enpresak uko egin zion esleipenari.

Hutsik geratu da Bañueta kiroldegiko kudeaketa esleitzeko bigarren lehiaketa
Bañueta kiroldegia kudeatzeko hainbat baldintza jarri zituen udalak. / Aiaraldea.eus | Ikusi handiago | Argazki originala

Hutsik geratu da Bañueta kiroldegiaren kudeaketa esleitzeko bigarren lehiaketa. Lehiaketaren lehen deialdian hautatua izan zen enpresak uko egin zion esleipenari. Hainbat gauza eskatzen zituen udalak lehiaketaren oinarrietan. 293.000 eurotan baloratutako inbertsioa gauzatzea zen baldintzetako bat, hainbat hobekuntza egiteko: kirol materialen berriztatzea, padel pista eraikitzea, biomasa galdara jartzea, ekintza eskaintza handitzea eta hatz-marka digitalaren bidezko kontrolak ezartzea -kiroldegiko txartelen trukaketa ekiditeko-, besteak beste.

Esleipena 10 urtekoa izatea aurreikusten zuen udalak. Tokiko erakundearen aurreikuspenen arabera, enpresa kudeatzaileak 281.729 euro irabazi ahalko lituzke denbora horretan. Orain, baina, pleguetako baldintzak aldatzen dituen baloratu beharko du udalak. Hala ere, momentuz ez du jakinarazi zer egingo duen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa