Amurrio Guk Bai taldeak ez du Podemosekin zerrenda bateratua osatuko

Aitor Aspuru Saez 2019ko urtarrilaren 14a

Bea Izagirre Amurrio guk Bai taldeko zinegotzia udal osoko bilkuran. / Aiaraldea.eus

Bea Izagirre talde independenteko zinegotziak azaldu du behartuta ikusi duela bere burua azaltzera, hainbat herritarrek galdetu baitiote.

Bea Izagirre Amurrio Guk Bai zerrenda independenteko udal ordezkariak argitu du bere taldearen asmoa dela euren kabuz parte hartzea hurrengo hauteskundetan.

Azalpen horrekin baztertu nahi izan du edozein aukera Podemos alderdiarekin bat egiteko: "Amurrioko talde independentea gara eta ezaugarri hori mantenduko dugu, ez dugu nahi gainean inolako egiturarik izatea. Izan ere, ideia ezberdineko kideok osatzen dugu proiektua".

Zinegotzia bera jarri da harremanetan Aiaraldea.eus hedabidearekin. Izan ere, Izagirreren hitzetan: "jende askok deitu gaitu azken egunetan galdetzeko Podemosekin zerrenda bakarra sortuko dugun".

Gauzak horrela, aukera horri uko egin dio Amurrio Guk Baik. Zinegotziak aitortu du hori amurrioarren jarrera dela eta eskualdeko gainerako ekimen independenteek bestelako erabakia hartu dezaketela.

Antza, Lander Martinez Podemos alderdiko bozeramaileak egindako adierazpenek eragin dituzte zalantzak eskualdean.

Politika Amurrio

Erlazionatuak

Lander Martinez: “Podemos bozkatzeko aukera egongo da Laudion udal hauteskundeetan"

Aitor Aspuru Saez 2019 urt 12 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide