Lander Martinez: “Podemos bozkatzeko aukera egongo da Laudion udal hauteskundeetan"

Eusko Legebiltzarreko Ahal Dugu Podemos alderdiko bozeramaileak Laudion egin du agerraldia, eta azaldu du udal hauteskundeetan parte hartuko dutela, eredua oraindik ez badute zehaztu ere.

Lander Martinez Ahal Dugu Podemoseko legebiltzarkideak adierazpenak egin ditu gaur Laudion. Aiaraldea hedabideak galdetuta, herrian bere alderdia bozkatzeko aukera egongo dela hurrengo udal hauteskundeetan.

Izan ere, tokiko taldeak hala erabaki du. Hala ere, ez daukate argi zein izango den horretarako formula. Lander Martinezen hitzetan, “Agian Elkarrekin Podemos bezala osatuko dugu zerrenda, Ezker Anitza eta Equorekin batera, baina alderdi independenteak ere badaude eta harremana izan dugu eurekin. Hortaz, hurrengo hilabeteetan zehaztuko dugu nola egingo dugun. Edonola ere, argi dago Podemos bozkatzeko parada egongo dela”.

Horrez gain, agerraldian aipatu du Laudion dauden zenbat arazori aurre egiteko prest daudela Ahal Dugu Podemosen; langabeziari edota ur saneamenduari, esaterako. Aldi berean, Martinezek azpimarratu du horiek konpondu behar direla alderdi erradikalek euren mesederako baliatu ez ditzaten.

Lander Martinez bilera bat izateko bertaratu da Ahal Dugu Podemosen egoitzara, eskualdeko zenbait kiderekin elkartzeko, irudietan ikus daitekeen moduan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide