Galder Barbado amurrioarra eta Aitor Zelaia gasteiztarra kartzelaratzeko agindu du Espainiako Auzitegi Nazionalak. 18:00ak bueltan eman dute jakitera ebazpena, eguerdian deklaratu ostean. Maria Tardon epaileak substantzia lehergarri edo sukoiak izatea egotzi die bi gazteei eta eurek akusazio hori ukatu dute.
Atzo goizean egin zuten polizia operazioa Araban, eta bi gazte atxilotu zituen Ertzaintzak material piroteknikoa zuen bidoi batekin harremana izatea egotzita. Horietako bat da Galder Barbado Bonilla amurrioarra. Delikan atxiki zuten, eta bere etxebizitza miatu ostean, Gasteizko Ertzain-etxean igaro du gaua. Goizeko hamarretan zeuden deituta atzo atxilotutako bi gazteak deklaratzera Madrilgo Entzutegi Nazionalean, baina eguerdira arte ez dira ailegatu eta 14:00ak aldera pasa dira deklaratzera.
Gaur, mobilizazio gehiago
Atxiloketa salatzeko gaur 12:00etan elkarretaratzea egin du Ernaik Amurrioko plazan. Sortuk, berriz, atzo egin zuen manifestazioa, eta gaur ere 19:00etan jarri dute mobilizatzeko hitzordua Juan Urrutia plazan. Atzo ehunka lagun atera ziren kalera, atxiloketak salatu eta bi gazteei babesa adierazteko: