Espainiako Entzutegi Nazionalera eramango dute bihar atxilotuta Galder Barbado Bonilla, sabotaje batzuk egitea egotzita

2016an atzeman zuten lehenbizikoz gaztea. Iruditan, aske geratu zen unea. / Aiaraldea.eus

Gaur goizean atzeman du gazte amurrioarra Ertzaintzak. Beste pertsona bat atxilotu dute Gasteizen ere: Aitor Zelaia. Poliziak 2014an eta 2015ean egindako bi sabotaje leporatu dizkie. Entzutegi Nazionalera, hau da, Madrilera, eramango dute gaztea bihar. Mobilizazioa egingo dute gaur 19:00etan eta bihar 12:00etan Amurrion atxiloketak salatzeko.

Aiaraldea hedabideak baieztatu duenez, Galder Barbado Bonilla atxilotu du Ertzaintzak gaur goizean 07:00ak aldera Delikan. Poliziak jakinarazi du 2014an eta 2015ean gertatutako sabotajeak egotzi dizkietela gaur atzemandako bi gazteei. Operazioa Entzutegi Nazionalak agindu du eta poliziak Madrilera bidaliko ditu amurrioarra eta gasteiztarra bihar.

El Correo komunikabideak Duranan aurkitutako bidoi batekin harremana izatea egotzi die bi gazte arabarrei. Izan ere, Aiaraldean bezala, beste pertsona bat hartu dute preso Gasteizen, Aitor Zelaia izenekoa. El Correo egunkariak Duranan topatuko bidoia -material piroteknikoa eta aerosolak zituela aipatu du- "kale borrokarekin" lotu du.

Sortu alderdiak salatu du gazteen atxiloketak eta bere bizilekuak miatu dituztela eta Ernai gazte erakundeak mobilizazioak deituko dituela iragarri du.

Bigarren atxiloketa
Ez dute lehenengo aldiz atzeman gazte amurrioarra. Izan ere, 2016ko maiatzaren 25ean Guardia Zibilak eraman zuen preso Gasteizko kuartelera, Gazte Danbada jaialdian terrorismoa goratzea egotzita, baina ordu gutxiren buruan askatu zuten. Atxiloketa salatzeko mobilizazioa antolatu zuten Amurrion:

Jazarpen ugari
Aurrez ere poliziaren jazarpena salatu izan du gazteak. 2011n agerraldia egin zuen, beste hiru gazterekin batera, jasotako mehatxuak ezagutarazteko. 2008an -18 urte zituela- errepideko kontrolean geratu eta mendira eraman zuen Guardia Zibilak, kolpatzeko.

2009an, berriz, Ertzaintzak kalean ADN proba egiteko ilea ematera derrigortu zuen, “eskuak ahoan sartzearekin batera”. 2011n, ostera, bere autoko sarrailan kola jarri eta “jodete” (izorra zaitez) idatzi zioten. 

Ernai gazte antolakundeak gazteen aurkako erasoa salatu du sare sozialetan eta mobilizazioa egin du eguerdian Gasteizko kanpusean. Sortu alderdiak, bere aldetik, mobilizazioak deitu ditu gaur arratsalderako Gasteizen eta Amurrion:

Aresketa Ikastolako ikasleek ekimena egin dute gaur ikastetxean, gertatutakoa salatzeko:

Elkarretaratzea egingo du bihar Ernaik Amurrion, 12:00etan Juan Urrutia plazan:

Erlazionatuak

Galder Barbado gaztea atxilotu du Guardia Zibilak Danbadaren harira eta dagoneko askatu dute

Amurrio

Guardia Zibilak Galder Barbado gazte amurrioarra atxilotu du Txokogorri tabernaren aurrean gaur goizean. Lekukoen arabera, 08:20an agertu da dozena...
EH Bilduk Galder Barbado gaztearen aldeko mozioa aurkeztuko du

Laudio

Ekainaren 27an, astelehenean, udalbatza egingo dute Laudion 18:00etan. Besteak beste, Galder Barbado gaztearen atxiloketari buruz arituko dira, EH ...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide