Urtebeteko kartzela zigorra gaur bukatu du Julen Ibarrola amurriorrak, terrorismoa goratzea leporatuta. Senide eta lagunak izan ditu Basauriko espetxearen atean. Horrez gain, Amurrioko sarreran ere harrera egin diote.
Goizeko zortzietan atera da Basauriko espetxetik Julen Ibarrola. Senide eta lagunak izan ditu zain bertan, Alfredo Remirez tartean, biak egon baitziren kartzelan elkarrekin.
Bestalde, 09:30ak aldera Amurrioko sarreran hamarnaka lagun elkartu dira errepide gainean gazteari harrera egiteko pankarta eta bengalekin. Ongi-etorri ekitaldia, ordea, 13:00etan izan da Amurrioko kioskoan. Ehunka herritar batu dira bertan, eta Ibarrolak "Julen Libre" plataformak egindako lana eskertu du, Galder Barbado Bonillari besarkada bidaltzearekin batera.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
