Aske geratuko da Julen Ibarrola datorren igandean, kartzelan urtebete igaro ostean

Erredakzioa 2019ko otsailaren 3a
Deskargatu Info Ahotsak :

Duela urtebete sartu zen espetxean Julen Ibarrola. / Andima Errazti

Duela urtebete espetxeratu zuten gazte amurrioarra, errotulatzaile batekin pintaketa egiteagatik. Basauriko kartzelan bete du zigor osoa.

Astebete falta da Julen Ibarrolak askatasuna berreskuratu dezan. Duela urtebete espetxeratu zuten gazte amurrioarra, errotulatzaile batekin pintaketa egiteagatik. Terrorismoa goratzea leporatu zion Entzutegi Nazionalak, eta urtebeteko kondena betearazi zion, Landazuriren okupazioan ere parte hartu zuelako eta, ondorioz, “berrerorlea” izatea egotzi ziotelako.

Gauzak hala, Basauriko kartzelan igaro du azken urtea Ibarrolak. Alfredo Remirezekin egon zen bertan, txiolari amurrioarra Darocara urrundiku zuten arte.

Ongietorria
Datorren igandean -otsailak 10- itzuliko da Ibarrola amurrioara. Ongietorria egingo diote gazteari. 9:00etan Gaztetxean batzeko deia luzatu dute, eta 13:00etan kioskoan jarri dute zita.

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide