.JPG)
16 urteko gazteek egin dute ikerketa, hezigunera nola bertaratzen aztertuta. Sare sozialetan azaldu dutenez, Europako Mugikortasun Astea dela-eta egin dute ariketa. Helburua hirukoitza izan da: garraio moduak ezagutzea, murgikortasunari buruz hausnartzea eta konpormiso bat hartzen saiatzea.
Emaitzetatik estatistikak atera dituzte: Lehen Hezkuntzan %60 oinez hurbiltzen dira, %35 autoz eta %5 beste modu batean. Derrigorrezko Bigarren Hezkuntzan antzekoak dira ondorioak: %59 doa oinez, %35 autoz eta %6 beste modu batean. Etapaka ere bereizi dituzte emaitzak:
Eskola bidean
Orozkon eta Urduñan haurrak ikastetxera oinez joateko proiektuak burutu zituzten. Haurrek euren kabuz eskolara joateko ibilbideak diseinatu zituzten, Bizkaiko Urtxintxa Eskolarekin batera. Hala, oztopo nagusiak identifikatu zituzten. Orozkon, esaterako, "isun morala" ipini zieten umeek bidea oztopatzen zuten autoei.
Alabaina, herri askotan eskuhartzen dute udaltzainek ikastetxeko sarrera orduetan, Laudion eta Amurrion kasu. Izan ere, auto mordoa pilatzen dira zentroen sarreretan, eta horrek kalapita ugari eragiten ditu nola trafikoan hala oinezkoen bideetan.