Galder Barbado eta Idoia Martinez espetxez aldatu dituzte

Erredakzioa 2019ko martxoaren 19a

Barbadoren atxiloketa salatzeko eginiko manifestazioetako bat. / Aiaraldea

Senideek baieztatu dutenez, Darocara (Zaragoza) mugitu dute Galder Barbado. Idoia Martinez, berriz, Galiziatik Villabonako espetxera (Asturias) hurbildu dute.

Espetxe lekualdaketak egon dira azken egunetan. Senideek Aiaraldea hedabideari adierazi diotenez, Darocara (Zaragoza) leku aldatu dute Galder Barbado Bonilla gaztea. "Soto del Realetik Valdemorora eraman dute lehenbizi, eta Darocara dago jada, Aitorrekin batera", jakinarazi dute. Aitor Zelaiarekin batera atxilotu zuten Barbado otsailaren hasieran. Orain arte isolamenduan egon dira, baina dagoeneko egoera horretatik aparte daude.

Ildo beretik, gaur zabaldu dute beste hiru presoren gerturatzea. Horien artean dago Idoia Martinez, orain arte A Laman (Pontevedra) egon da preso. Alabaina, Asturiaseko Billabona kartzelara aldatu dute. Dena den, dispertsioa jasaten jarraituko dute: Barbadoren senideek gaztea bisitatzeko 732 kilometro egin beharko dituzte, eta Martinezen gertukoek 630.

Politika Amurrio

Erlazionatuak

"Galderren espetxeratzea ez da kasualitatea izan, herriarekiko konpromisoagatik kolpatzen jarraitzen dute"

Izar Mendiguren Cosgaya 2019 ots 09 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide