Lantegiaren egoera salatzeko bigarren elkarretaratzea egin dute Valvospain-Ituarteko langileek

Dozenaka behargin egon dira elkarretaratzean. / Valvospain-Ituarteko langileak

Zuzendaritzak bilera bat deitu du datorren astearterako. Fabrikaren egoera eta hartu nahi dituzten neurriak izango dituzte hizpide bertan.

Elkarretaratzea egin dute Valvospain-Ituarteko langileek gaur eguerdian Amurrioko Udaletxearen aurrean, lantegiko egoera salatzeko. Ez da egiten duten lehen mobilizazioa, apirilaren 12an antzeko ekimen bat egin baitzuten toki berean. “Ordutik hona egoera ez da asko aldatu”, azaldu dute enpresa batzordeko ordezkariek, “zuzendaritzak bilera batera deitu gaitu datorren asteartean, lantegiaren egoera ekonomikoaren eta dituen asmoen inguruan mintzatzeko”.

Soldata atzerapenak 
Era berean, soldata atzerapenekin jarraitzen dutela nabarmendu dute beharginek. “Gaur jaso dugu martxoko soldata, baina apirilekoa oraindik ez digute eman eta horrek egoera estuak sortzen ditu familietan”, salatu dute.

Alkatearekin bilera
Mobilizazioaren ostean bilera egin dute Josune Irabien alkatearekin eta Txerra Molinuevo zinegotziarekin, udal gobernuko kideek eskatuta. “Egoeraren berri jaso nahi zuten. Lanpostuen egoerarekiko kezka azaldu dute bileran”.

Erlazionatuak

Elkarretaratzea egin dute Valvospain-Ituarteko langileek, enpresaren etorkizuna kolokan dagoelako

Amurrio

Akzionistak langileez ahaztu dira eta soldata atzerapenak daude, beharginek salatu dutenez: "115 familien etorkizuna kinka larrian dago".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide