Greba jarraituko dute Valvospain-Ituarteko langileek. Zuzendaritzak helarazitako proposamena aztertu zuten beharginen ordezkariek, eta premiazko bilera bat eskatu zuten, gaia lantzeko. Beharginek hainbat proposamen helarazi zituzten bertan, baina zuzendaritzak ez zuen horietako bat bera ere negoziatu nahi izan, komiteko kideek salatu dutenez. Gauzak hala, greban jarraituko dutela iragarri dute langileek.
Ordezkari politikoekin bilerak
Hainbat ordezkari politikorekin biltzen ari dira langileen ordezkariak. Atzo -ekainak 19- Eusko Jaurlaritzako Industria Saileko kideekin (Industria Garapenerako Euskal Agentziarekin) bildu ziren. Beharginen kezkak plazaratu zituzten bertan, eta laguntza eskatu zuten, enpresaren etorkizuna bermatzeko inbertsore berri bat bilatzeari begira.
Bihar -ostirala- berriz bilduko dira Amurrioko Udal Gobernuko Josune Irabien eta Txerra Molinuevorekin, “egoerari irtenbide bat bilatzeko asmoz”.
Greban jarraituko dute Valvospain-Ituarteko langileek, zuzendaritzaren ezezkoa jaso ostean
Zuzendaritzak ez ditu beharginek plazaratutako proposamenak onartu eta ez du horietako bat bera ere negoziatu nahi izan, Enpresa Komiteko kideek salatu dutenez.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide