aiaraldea.eus

Valvospain enpresako zuzendaritzak lantegia guztiz itxi nahi du

Erabiltzailearen aurpegia Erredakzioa   Ekonomia  Amurrio

Langileek azaldu dute azken bileran zuzendaritzak iragarri zuela guztiak kaleratzeko eta enpresa likidatzeko asmoa duela.

Valvospain enpresako zuzendaritzak lantegia guztiz itxi nahi du
Valvospain enpresako langileak, lantegiaren aurrean eginiko elkarretaratze batean. | Ikusi handiago | Argazki originala

Valvospain enpresako langileek hilabetea egin dute greban eta atzo zabaldutako oharrean adierazi dute zuzendaritzak lantegia ixteko eta sozietatea likidatzeko asmoa daukala.

Horrela jakinarazi zion langile batzordeari konkurtsoko-administratzaileak ekainaren 27an izandako bileran. Beharginek aurreratu dute ez dutela greba mugagabea utziko eta salatu dute administratzaileak ez dizkela zor zaizkien soldatak ordaindu.

Izan ere, Valvospain enpresako beharginek hilabetea egin dute greban eta duela hiru hilabete ez dutela kobratzen. Hala ere, espero dute inbertsore batek egoera konpontzea.

Bitartean bilerekin jarraitzen dute eta ostiralean PSE-EE, PP, Podemos eta EH Bildu alderdiekin elkartu ziren Eusko Legebiltzarrean. Industria Sailburuarekin batzen ere saiatzen ari dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa