Datorren ikasturteari begirako matrikulazio-kanpaina abiatuko du Aiara Dantza Taldeak. Irailean egongo da taldean izena emateko aukera, 6tik 13ra. Taldeak El Reforren duen lokalera bertaratu beharko da horretarako, 18:00etatik 20:00etara (8an eta 14an 10:00etatik 12:00etara).
Hauek izango dira urte osoko kuotak:
- 1. familiakidea 50€
- 2. familiakidea 40€ 3. familiakidea 30€
Familiakidea moduan lehenengo mailakoak hartuko dira: neba-arreba, aita-ama, ama-alaba, aita-semea.
Hainbat ikastaro
Dantza-taldeak hainbat ikastaro emango ditu, El Refor gimnasioan. Hiru talde-mota antolatuko dituzte:
- Umeak (5-16 urte bitartekoak, txikienak 2014an jaioak): entseguak astelehenetan eta asteazkenetan izango dira 17:00etatik 18:00ak arte.
- Helduak (16 urtetik gorakoak): entseguak asteazkenetan izango dira, 18:00etatik 19:15 arte. Talde honetan erromerietarako dantzak ikasteaz gain, plazan egiteko dantzak ere ikasiko dituzte eta Aiara Dantza Taldearen dantzaldietan parte hartzeko aukera izango dute.
- Dantza plaza (16 urtetik gorakoak): entseguak larunbat goizetan izango dira, 13:30ean. Talde honetan erromerietako dantzak ikasiko dira.
Beste urte batzuetan izandako esperientziaren ondorioz, behin izena emanda ez da kuotaren kostea itzuliko. Errua dantza taldearena izatekotan bakarrik itzuliko da kuotaren kostea (adibidez, azken orduko ordutegi aldaketak badaude). Plazak mugatuak izango dira.
Taldearekin harremanetan jartzeko korreo bat bidali daiteke honako helbide honetara: aiaradantzataldea@gmail.com . Telefono zenbaki honetara ere deitu daiteke: 688662554 (Igone).