aiaraldea.eus

Egun Feminista egingo dute lehenbizikoz Amurrioko jaietan

Erabiltzailearen aurpegia Izar Mendiguren Cosgaya   Jendartea  Amurrio

Otsemeak taldeak jaiei begirako planteamendua aurkeztu du. Abuztuaren 13an “Egun feminista” egingo dute, eta 10ean manifestazioa. 

Egun Feminista egingo dute lehenbizikoz Amurrioko jaietan
Iazko manifestazioko irudia. /Aiaraldea | Ikusi handiago | Argazki originala

Abuztuaren 10etik 17ra murgilduko da jaietan Amurrio, izan ere, Jai Herrikoien Aldeko Batzordeak Iguarrakoa atera aurretik makina bat ekintza antolatu ditu. Abuztuaren 10ean abiatuko dituzte festa herrikoiak. Ondorioz, Otsemeaken manifestazioa egun horretan izango da. Horrez gain, eraso matxistak salatzeko protokoloa eta telefonoa egongo dira 24 orduz martxan (688752784).

 Nobedade gisa, Egun Feminista egingo dute abuztuaren 13an. Eguerditik aurrerako egitaraua osatu dute horretarako: 14:00etan poteo feminista egingo dute herritik, eta 15:00etan “Emakumeon* bazkaria”; txartelak Txokogorrin egongo dira salgai. Arratsaldean, berriz, siesta, zaintza eta masaje guneak atonduko dituzte. Emakumeak elkartu eta erdigunean jartzeko helburuarekin, gaueko oholtza eskaintzan ere feminismoa izango da nagusi. Izan ere, 22:00etatik aurrera ez da aukerarik faltako “DJ Pottors Destroyers eta Dj Zeta Morea meets Aiaraldeko neska*gazteak oholtzan” ikusteko eta gorputzak dantzan askatzeko.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa